نور الدنيا

Saturday, July 21, 2007

" خيانة مؤقتة "

" خيانة مؤقتة "
هو : يحبها حب لا يضاهيه حب بهذه الدنيا ، حب من زمن العصر القديم ، عصر " قيس وليلي
" عنترة وعبلة " ، وروميو وجولييت
"

هي : تبادله بحب أكبر وأعمق من ذلك الحب الذي ينعش فؤادها ، تشعر بأن الدنيا هي وجوده ، والوجود

لن يكون ويستمر إن لم تتنفس هواه.....،،،، وتحس بسريان دمه بعروقها

الحدث المفاجئ : ينشأ خلاف بينهم يمكن أن يكون بسيط بحجمه الظاهر ، ولكنه عميق بوقعه علي مشاعرهم وأحاسيسهم

السؤال : لماذا يلجأ كل من الطرفين بفترة الخلاف تلك إلي شخص آخر لتفريغ تلك الشحنات المكبوتة
بداخلهم ( والمقصود هنا أن يقوم الحبيب بالبحث عن إنسانة غيرها ،،، وتقوم الحبيبة بالبحث عن شخص
آخر ) ....لنفترض أن تكون الفترة مؤقتة.....؟؟؟؟؟

ولاكن لماذا................؟؟؟؟؟
بانتظار أرائكم أصدقائي

posted by فراوله at 21.7.07

41 Comments:

يمكن لأنهم ماراح يفهمون احساس بعض لو تكلموا ..
كل واحد فيهم يلجأ للجنس الاخر عشان يعرف احساس حبيبه من منظور هالشخص ..

يعني لنفرض اني انا الحبيبة وصار الخلاف بينا ما اقدر اكلمه ..
ولا اقدر اكلم ربيعتي لانها من نفس الجنس وتفكيرها بيكون مشابه لتفكيري ..

من هالمنطلق راح ألجأ للجنس الاخر لأنه من خلال اجوبته انا راح أفهم تصرفات حبيبي ..

فهمتي علي؟؟

بس بعد هالفترة ممكن تكون خطيرة .. لانه ممكن هالشخص الثاني اللي لجأتله يكون متعاطف معاي وممكن يظهر شعور أنا افتقده في حبيبي فممكن تصير علاقة !!

July 21, 2007 at 12:48 PM  

مرحبا و سهلا

من وجهة نظري ماعتقد عناك خيانه مؤقتة و لا على طول الخيانه خيانه يمكن اطوا و لكن ماعتقد انه يوجد الان حبيب على الطلب الا اذا من الاساس كانت العلاقة فيها نوع من الخيانة من بدايتها اني احب انسانه و اخلي وحدع ثانيه احتياط؟؟؟

July 22, 2007 at 12:21 AM  

اعتقد ان الحب نتلمس قوته في مراحل الزعل واختلاف وجهات النظر

واذا فكرنا ولو مجرد تفكير بالاستعانه بشخصا اخر

ماله داعي نحب

July 22, 2007 at 12:57 AM  

عزيزتي فراولة

مع اني ما أأيد هالخطوة ابدا

بس اعتقد ان الطرفين يلجأون لها للتاكيد اهم لازالوا مرغوبين
وان باستطاعتهم ان يعيشون التجربة مره ثانية ويمكن ينجحون فيها
ويمكن نوع من السلوى
عشان يتخطون التجربة السابقه وتكون وسيلة للنسيان
او يمكن نوع من الإنتقام من الطرف الثاني بطريقه غير محسوسه
بدون يا يدركون انهم قاعدين يأذون طرف ثالث ماله ذنب

قرار خاطئ
وخطوة غير محسوبه

July 22, 2007 at 1:59 AM  

عادي

شي طبيعي و لها تفسيرات كثيرة مالي خلق ادش فيها

الزبدة ان الطريقة المثلى هي عدم جعل هذا الخلاف يطول عشان ما تتسع الهوة و تزيد المسافة بين الأثنين

July 22, 2007 at 4:16 AM  

عيل الواحد وين بيحط حرته؟؟؟

أتقشمر معاج

الله يسلمج يمكن يكون سبب هالموقف ما يبون يتصادمون ويا بعض وتكبر المشكلة وتزداد تعقيد

أو يمكن فقط للتشكي ويكون الإنسان محتاج أحد يسمعه

بس في شغلة حلوة

بعدها بفترة كل واحد بيحس بقيمة الثاني

لأنه مقيولة ماتعرف قديري إلا لما تجرب غيري

July 22, 2007 at 4:56 AM  

فراولتنا الحلوه

:)

ما تتصورين شكثر استهواني هذا الموضوع

واتمنى انج تسمحيلي غصب اني استرسل واتكلم عنه بجرأه ودقه بنفس الوقت حتى وان ما قدرت اوصلكم لنتيجه

:)

راح اتكلم بس عن موضوع الخيانه المؤقته
و الخيانه بشكل عام واتمنى محد يسيء فهمي لاني راح احلل الموضوع من جانب منطقي وحيادي بنفس الوقت


بسم الله
_______

اولا: بتكلم عن العلاقات الغير رسميه

غير المتزوجين

تعرف واحد من الشباب على بنيه وحبو بعض وصار بينهم ود وغيره وتلاحمت ارواحهم !! لي هني الموضوع اوكي . الاخطاء اللي صارت بالعلاقه هذا الشاب يمدح باقرب اصدقاءه جدام حبيبته وينقل لها اخباره انا طالع مع فلان فلان اليوم تهاوش مع رفيجته تصدقين رفيجي شرى هديه حق رفيجته بهالسعر ما عنده شحن اتصل من تليفون صاحبه تهاوش معاها تدخل صاحبه !! 100 عله وعله
اهني البنت صارت عندها جرأه اكبر من لو انها تكون بعلاقه مع شخص واحد .. الحين دلت الطريج

لعل هذا السبب غير مقبول عند البعض بس انا حاط فبالي الرد في حال اذا صار جدل

.............

ثانيا : نفس نوعية العلاقه بس اخطاء احدثتها البنت

خلوني استشهد بمثل راح يفيدني وايد

قول لي من ترافج . اقول لك من انت

بنت عندها حبيبها بالدنيا اهو كل شي ما تقعد بمكان الا وتكلمت عنه شغل بنات يعني انتو ادرى اكيد ماره عليكم هالنماين :) اهو من ولده جم اخو عنده جم اخت انا حاجيت مره امه خاله فلان الفلاني طلعت مطعم دقت عليه تعال بشوفك اليوم عيد ميلاد رفيجتي بروح السينما مع فلانه تعال بشوفك لي يصيرون كل رفيجاتها يعرفوونه اللي المسكين لي راح مطعم السمبوسه اللي في بيان وشافووه دقو عليها!! شفنا فلان في مطعم السمبوسه وقامت الخداي دقت عليه شايفتك رفيجتي بمطعم سمبوسه ومره ثانيه يكو بالجامعه ورايح انتخابات الهندسه اهلق !! راحو ودقو عليها ترى حبيبج اهني ياي الكليه معلق باجة المستقله وهالخرابيط انتهت الخصوصيه من هالعلاقه ودخلو فيها اطراف ماكان له داعي انهم يتدخلوون بسبة الخداي :) وتبدي الحنه المعهوده عقب .. الاسئله الاستفزازيه
انت تكلم غيري
منو خط ثاني
تعرف وحده اسمها جذي
امبله اهي تقول انها تعرفك
منو هذي اللي سلمت عليها
خلاص اللي بيني وبينك انتهى

هم هذا سبب للخيانه المؤقته

........

فراوله انا ما ادافع عن احد بس قصدي بهالموضوع اني اوصل معلومه انها العلاقه عشان تستمر لازم يكون فيها خصوصيه

ساعات من لسانه نييب المشاكل حق نفسنه من كثر الثرثره ونخسر كل شي بالنهايه

وبالكويتي بقولها

لي دش اعزيزو بالسالفه يتفركش كل شي

ويا كثر العزيزوات بهالايام

سأليني وانا اخووووج

:)

راح اتكلم عن المتزوجين بس بعدين الحين بترك مجال حق الناس خل تعبر

:)

اخوج السادس

ارينوس غونزالووس منافينووس نذر

لا تضحكين

هه

July 22, 2007 at 7:27 AM  

فراوله

بالنسبه للخيانه المؤقته للمتزوجين

فأنصح اللي تشك انه زوجها يخونها

انها تشوف فلم اسمه

PREMONITION

حق

SANDRA BULLOCK

وعلى فكره هذا اهو الفلم الوحيد اللي مثّلته ساندرا لهالسنه

الفلم شيّق ويستاهل يشوفونه الزوجات اللي شاكين بازواجهم وللي فيهم عقد وهم ينفع حق اللي تفكر تبوق ريال متزوج ؟؟ او اللي حاولت انها تكوّن علاقه مع ريّال متزوج من ورى علم زوجته

يالله قمنا نعالج الناس نفسيا يا فراوله

عموما امفكّر افتح لي عياده

راح اعلن عنها من خلال مدونتك الغاليه علي

يالغاليه

:)

July 22, 2007 at 12:37 PM  

ما اعتقد انها حالة عامة

سلوكيات الناس تعكس مفاهيمهم ومبادئهم وافكارهم والبيئة التي نشئوا منها

تحياتي

July 22, 2007 at 2:24 PM  

مشكوره على الموضوع الاكثر من رائع

اذا كان في خلاف و الحبيبين راحو كل منهم لي صديق مثلا اهي حق صديقتها تنفس عن الي فيها و اهو حق صديقه الوضع اوكي لانه يحتاج بعض المرات الشخص انه يقول حق شخص قريب منه الي في، بغرض انه يطلع الي في و ياخذ الراي في شلون يتصرف
اذا صار الوضع جذي اوكي

بس انه يلجا كل منهم لي شخص غريب مثل الحبيب يدور على بنت ثانيه يطلع الي في و البنت ادور على اي شخص من الجنس الاخر هذا يعتبر غلظ
و مو حب
و يعتبر هرب من مسؤلية مشاعر و علاقه اهم مو قدها
و اصلن اذا صار جذي ما اتوقع الي بينهم حب حقيقي و الدليل انه الي يحب لي تضايق او تناجر مع الي يحبه ما يتجه غير للشخص الي يريحه
و المفروض بعد اهله و اصدقائه المقربين انه يكون الحب اهو الشخص الي يلقه ملجأه عنده
فانه يروح يدور او اهي ادور هذا يخلي الحب الي بينهم في خلل و مو حب العصر القديم ولا حب قيس و ليلى و روميو و جولييت لانه عمره ما سمعنه انه روميو لمه واجه مشاكل مع جولييت راح دور على بنت ثانيه و طلع الي بقلبه بالعكس حارب وواجه الكل في سبيل الحب و مات شهيد للحب
الي انتي تسألين و تقولين عنهم يحبون حب هلزمن الي ياخذونه كلمه و شهوه و تقضية وقت بدل ما يعتبرونه التزام و تضحيه و تحمل و صبر و مشاعر تكون معاهم طول العمر

:) هذا راي انا و الناس اراء
سامحيني على الطواله و انشالله وصلت الي بغيت اوصله
لانه كاتبه بالعربي فالتعبير شوي عندي ركيك لوول
thanks again
:D
Salamz...

July 22, 2007 at 5:34 PM  

الشعور بالضعف هذا باختصار شديد
والحاجة لفضفضة

هو خطئ ولكن فى الدول الاوربية الناس تدفع فلوس علشان احد يسمعها

July 23, 2007 at 1:05 AM  

مرحبا فراوله الغاليه

مساء العذوبه والرقه

مساء الحب الابدي

اعذريني عالتأخير يالغاليه

ألآ الموضوع خيانه مؤقته:

انا اشوف انه ماكو خيانه مؤقته الخيانه هي خيانه ولو انها مو خيانه جان ما كتبتي انتي خيانه مؤقته

وبعدين لو انهم يحبون بعض صج جان ما لجأ كل واحد لشخص غير اللي يحبه

اوكي نقول لحظة غضب طيب ماكو مشكله انت ماتقدر تكلم حبيبك خلاص روح لأعز الناس عندك

اللي دايمآ تشتكي لهم فرغ الغضب والكلام اللي بتقوله

واستفيد من كلامهم وارائهم

مو لازم تروح لشخص ثاني

لأن اذا رحت للثاني يصير الثاني هذا له حق عليك من مداراه وحب ومشاعر واذا ظليت تكلمه وانت تكلم الشخص الثاني اصبح فيه سؤال:

قلبك وينه مع منو؟؟

تصير هنيه الخيانه فعلآ..

انا اقول اذا احد تزاعل مع حبيبه لايكلمه لأن كل واحد منهم يكون زعلان وممكن يقول كلام مايقصده..

خلاص لما يهدون يتكلمون واذا عن الفتره اللي مايكلمون بعض فيها كل واحد منهم يكلم صديقه اوا العزيز عنده ويسولف له عن حبيبه عشان يظل معاه حتى بالفتره اللي مايكلمه فيها...

وسوري على الإطاله فراوله وانا ماخذه على خاطري منج ترى في موضوعج "احتياج" رديتي على اللي فوقي واللي تحتي وانا مارديتي علي :((

ودمتي لنا يالغاليه بحب وسعاده ^_^

July 23, 2007 at 2:49 AM  

امممم
امممممممم

والله يا فراوله يالغاليه
هذى العلاقات الانسانيه غريبه وما تحكمها ضوابط ولا قوانين
مرات ما تفكرين بالفعل الى اتسوينه

بس مو شرط المرأه تلجأه لرجل لتشكى ولا العكس
ليش اخترتى هالمثال

فى ناس يرتاحون لما يتكلمون لشخص قريب عن مشاكلهم
نوع من انواع التفريغ
ومرات طلب المشوره

انا من الناس الى الجاء للقراب منى للاستشاره
لان مرات صاحب المشكله يكون فى دوامه
لكن الى بره يشوفون اوضح الموضوع
ويكون حلهم للمشكله اسلم

فهالسالفه تعتمد على الشخص نفسه
فى ناس نوعهم كتوم ويحلوم مشاكلهم بنفسهم
فى ناس ما تتتحمل
تنفجر فلازم اتفضفض

بالنهايه يرجع لطبع الانسان

July 23, 2007 at 4:10 AM  

سؤالج خطيــــــــــــــــــــــــر

بصراحه ،، احسدج عليه :)

خيانه اسبوع = خيانه
خيانه 7 سنين = هم خيانه

اذن اسمحيلي ، راح اختلف معاج بس بعنوان الموضوع
اما الاسباب
برايي اهم اهم اهم اهم اهم سبب اهو عدم الاحساس والاقتناع
بان الطرف الثاني يبادله نفس الشعور،ونفس الحب والاهميه السابقه
يعني انا متى ماحسيت اني اصبحت روتين في حياة الشخص المقابل
واصبحت شي غير اللي تعوت ان اكون بالسابق،هذا راح يكون
سبب قوي لفلتان الاحاسيس والبحث عن من يملك اذن تسمع وراي
ودي اسمعه بغض النظر هالراي منطقي والا لا،لاني في قرارة نفسي مقتنع في حجم جريمه الخيانه.

July 23, 2007 at 8:01 AM  

مساالغلا لاحلي عيون حب بالدنيا
غاليتي
بقولج شي انا اعلم بقرارة نفسي ان الخيانة هي خيانة مافيها لا ابيض ولا اسود
وحتي لو صارت فترة زعل بينهم المفروض ياخذون فترة راحة ويرجعون يتكلمون مع بعض..ويبتدي التحاور والنقاش بينهم
لين يوصلون الي حل لهذه المشكلة
وهو يايرجعون مثل اول واحسن او انهم يفلون وكل واحد فيهم يروح بحال سبيله
دمت بحب ابدا
:)

July 23, 2007 at 11:36 AM  

مساالحلا ملاييييييييييين
للغالي الاستاذ بلاليط
عزيزي
انا معاك لا المنطق ولا العقل يسمحون للخيانة بين الحبيبين اذا كانو فعلا حبيبين
ولو انا ماراح اسمح ان يكون لي بديل ثاني حتي لو لفترة وجيزة
دمت بحب
ابدا
:)

July 23, 2007 at 11:39 AM  

سيدي المبدع
براك
والله ماعلي كلامك كلام
اذا ماكانت القاعدة الاساسية لهذا الحب قوية وذات ركيزة سميكة
ماله داعي نغامر ونحب
دمت بحب
يالمبدع
ابدا
:)

July 23, 2007 at 11:41 AM  

مساالورد والجوري
غاليتي زوزوتا
صدقتي قرار غير مدروس..والمتضرر هو شخص ثالث ماله اي ذنب
بالمره
دمت بحب
ابدا
:)

July 23, 2007 at 11:44 AM  

مساالخير والكرامة
مطقوق
اساس ملح العلاقة بين كل طرفين
هي الخلاف
ومتي ماتم اللجوء لشخص ثاني
سوف ندخل بمتاهات مالها
اول من تالي
دمت بحب
ابدا
:)

July 23, 2007 at 11:46 AM  

غاليتي احلي الماسة
بالدنيا
بس اخاف كل طرف فيهم يستهوي الطرف اللي لجأله
وتكون العواقب وخيمة
ومالها حل
بالمره
دمت بحب
ابدا
:)

July 23, 2007 at 11:49 AM  

مساالورد لاحلي واغلي ورد
منوف الغالي
والله ياخوي انك كفيت وفيت
وتناولت الموضوع من جوانب عديده
ومن مناظير كثيرة ومتشعبه بعد
بس ودي اقولك شغله صغيره
ياليت كل اثنين تصير بينهم مشكلة سواء كانوا حبيبين..او زوجين
يحاولون كثر مايقدرون يفتحون مجال للحوار والنقاش للوصول الي الحلول
اللي ترضيهم وترجع كل شي مثل ماكان واحسن بعد
دمت بحب
ياخوي السادس
:)

July 23, 2007 at 11:53 AM  

غاليتي اسيل
انا بموضوعي المطروح للنقاش
ماعممت ولاكن خصيت حالة قد تكون
متفشية بشكل موطبيعي وقد تؤدي الي
ثقرات كبيرة بين الطرفين
وقد تؤدي الي انفصال ارواح كانت بينهم
روابط بالاحاسيس والمشاعر
دمت بحب
ابدا
:)

July 23, 2007 at 11:56 AM  

غاليتي الحبيبة
5aroofa
وغلاتج يأن كلامج كفي ووفي
وصج لو كل واحد يحب محبوبته او زوجته
حب مثل حب ايام العصر القديم
جان احنا والدنيا اللي نعيش فيها بملييييييييييون خير
وعلي فكره حبوبة تقدرين تعلقين باي لهجة تحبينها ولج الحرية المطلقة بهالشي
دمت بحب وود
ابدا
:)

July 23, 2007 at 12:02 PM  

مساالخير والكرامة
للعزيز مشاري
صاحب القلم الشريف
والله ياخوي كل ماكثر الهم والمشاكل بين
الناس سواءا الاحباء ام الازواج
مو يدفعون فلوس عشان احد يسمعهم
الا يدفعون عمرهم عشان
اذن صاغيه بعد
دمت بحب وود
ابدا
:)

July 23, 2007 at 12:05 PM  

مساالغلا للغالين اللي صارلهم مدة غايبيين عن العين
وتري غيبتهم ماتسر القلب الا اذا كان المانع خير باذن الله؟؟
وانتي معذورة حتي لوما تعذرتي
حبيبتي
صدقتي وماعلي كلامج كلام تري صج مافي
حل الا انهم يعطون نفسهم فترة لين يهدون وبعدين يرجعون يتناقشون لين يوصلون لحل
يرجع الامور الي مجاريها
والله يالغالية
زعلج علي العين والراس والله العظيم وغلاتج مااقصد بس يمكن سقط سهوا
ولج الحشيمة والكرامة
يااغلي امبراطورة
وراح اراضيج..واطيب خاطرج بعد
دمت بحب وود واخلاص
ابدا
:)

July 23, 2007 at 12:13 PM  

مساالورد والجوري
لغاليتي كريزما
حبيبتي
كلامج عدل وصج ساعات الواحد يدور احد يلجاله لتفريغ تلك الشحنات
المكبوتة بداخلنا
بس المصيبه اذا مارسينا لحل
اهنييه الطامة الكبري
دمت بحب وصفاء نفس
باذن الله تعالي
ابدا
:)

July 23, 2007 at 12:49 PM  

مساالهدوووء النفسي
عزيزي المجهول
اول شي اشكرك من اعماق قلبي لزيارة مدونتي الاكثر تواضعا
وتعليقك علي اخطر المواضيع المطروحة فيها
وانا لا اختلف معك فيما ذكرت من تلك الاسباب
لاني مقتنعه بقرارة نفسي ان اساس الحب والعلاقة بي الطرفين هي تلك المشاعر النبيلة والراقية التي متي ماانفقدت انفقد رونق تلك العلاقة
الطاهرة
دمت بحب وود
ابدا
ولاتقاطع نور الدنيا
:)

July 23, 2007 at 12:54 PM  

هااااااااا شقصدج ليش هالموضوع
:)
تدرين ان اللي يحب من قلب حتى لو يخونه حبيبه هم راح يحبه ويمكن يتمسك فيه اكثر

مصائب قوم عند قوم فوائدوو

تتمسين على خير اختي فراوله

July 23, 2007 at 1:18 PM  

mashkora wayed el 9ara7a a5jaltene beslobej el ragii

Salamz sweete...

July 23, 2007 at 3:07 PM  

من وجهة نظري أنها خطوة سلبيه لو كل واحد فينا حب وأتجه يدور الشخص البديل عشان يستمع له بهذا الحال أذي مشاعرة قبل لان لا الحب ولا المشاعر ولا الشخص البديل ولا الأذن الصاغيه راح تعوض روح الألم أو تهدي من عصف الغضب إل بداخله الحب حب والرضارضا ومهما تناسينا الخلود للمشاعر الصادقة فينا والنابعة من مبادئنا لذاتنا نصيحتي لا تتألمون من ألم الخيانة تذكرو الجانب الأيجابي في العلاقة قبل الخيانة شلون هذي المشاعر كانت تشعركم بروح الملوك المحموله من أرض الواقع مع تحياتي لأحلي حب ونسيان ألم الخيانة وعيشوا الحياة بدون ألم... بسة

July 24, 2007 at 3:14 AM  

الخيانه مالها أنواع
وكلها تندرج تحت إسم
الخيانه و بس

لكن بإعتقادي إن
المظلومين بالموضوع كله
هم الأصدقاء المؤقتين

اللي تركهم بعد
هذه الفتره المؤقته يعتبر
خيانه أيضا

ما أعتقد لهم ذنب
بالموضوع برمته


الله يبعدكم عن الخونه والخيانات

ويحفظ بيوتكم آنسات ومدامات

:)

July 24, 2007 at 10:35 AM  

مساالورد والجوري
هلا وغلا بالجريح
انت وينك غاط وماندري عنك..عس المانع خير انشاءالله؟؟؟
والله ياخوي مااقصد شي بس والله هالموضوع حاصل ومتفشي بين الناس بكثره
وصدقت اللي يحب عمره مايكره
دمت بحب وود ابدا
:)

July 24, 2007 at 1:15 PM  

غاليتي الحبيبة
5aroofa
والله انا اللي اعجز عن شكرك
حبوبه
دمت بحب وود ابدا
:)

July 24, 2007 at 1:17 PM  

مساج احلي واغلي شي بالدنيا
غاليتي الحبيبه
بسة
أصبت حبوبه..فعلا عندما نحب وتتجه مشاعرنا لشخص قد وهبناه كل مانملك من مشاعر واحاسيس
بهذه اللحظة فقط لانستطيع تسليط الضوء
الي شخص اخر حتي لو كانت لفترة مؤقتة
دمت بحب وود
لاحلي المشاعر الانسانية
:)

July 24, 2007 at 1:21 PM  

مساالورد والجوري
للعزيز
hamdooool
انا اتفق معاك ان الخيانة
مالها لون ثالث ياابيض يااسود
واللي يقرر يخون حتي لولفترة مؤقته
فهذا يؤدي الي ايذاء للمشاعر والاحاسيس
التي قد ارتبطت بذلك الشخص
وبمجرد اللجوء الي شخص اخر فهذه الطامة الكبري
سيصبح ضحية وسنخلف من جراء ذلك الشي
الم وحسره لقلب لا ذنب له الا انه كان وسيط للقرار غير مدروس
دمت بحب وود
ابدا

July 24, 2007 at 1:26 PM  

اللي افهمة شيء واحد



اللي يحب صج ماااااااااا يخون


:)


وسلامتكم

July 24, 2007 at 10:02 PM  

وليش ندور على طرف آخر !
إن كان هالشخص هو من محارمي أو الحبيب يعلم بعلاقتي مع الشخص الآخر كصديق هالشي لا باس
أما إني اروح أدور شخص وأبحث عن اللي يفهمني من الجنس الآخر
هذي من نظري خطأ
لأن انا أحبه وراح أفهمه وهو راح يفهمني بدون تدخل طرف آخر
عموما انا لا أحبذ دخول طرف ثالث في مشاكلي مع شخص أحبه
يمكن أحتاج أفضفض .. عندي صديقتي إن احتاج الأمر :)

فراولة دايما متميزة
اشتقت للمرور لمدونتك فعلا
سامحينا ع القصور

July 25, 2007 at 2:10 AM  

أممممممممممممم

يمكن ودهم يردون اعتبارهم عشان جيه يبحثون عن شخص ثاني..

بس مب معناته في فترة الخلاف تكون فيه فترة خيانة مؤقته لانها في النهاية تراها خيااااانه
محد يرضاها!!!!

July 25, 2007 at 2:10 AM  

غاليتي الحيبية
vancouver
والله يبتيها علي الجرح صج لو كل واحد حب من أعماق قلبه
بصدق وطهر واخلاص
لو مهما يصير مايقدر يخون
دمت بحب وود
ابدا
:)

July 25, 2007 at 10:46 AM  

مساالحلا..مساالغلا..مساالشوق
للغايبين اللي عن لشوفتهم مشتاقيين
غاليتي شهد الرووح
غاليتي اول شي لج وحشه كبييره
بس انشاءالله تكونين بخير
وصدقيني اختي اي مشكلة تكون بين أثنين
وتتفحل ويدخل شخص ثالث بينهم
ماراح يلقولها حل بالمره
ومامنج قصور غاليتي
دمت بحب وود
ابدا
:)

July 25, 2007 at 10:54 AM  

مساالخير والكرامة
مساج كل شي حلووو بالدنيا
alfajer allba3eeed
المقصود بالخيانة المؤقته ليس بالضرورة
اللجوء لشخص اخر
وانما ممكن بهذا اللجوء ان تنشأ علاقة جديدة وتكمن هنا مشكلة ثالثه
واساسا اهم بغنا عنها
وانا معاج الخيانة محد يرضا فيها
دمت بحب وود
ابدا
:)

July 25, 2007 at 11:02 AM  

Post a Comment

<< Home