نور الدنيا
Friday, June 29, 2007
" غيمة "
كنت سرحانة وكثيرة ذي اللحظات اللي أسرح فيها ، أحبها حيل وأعشقها وأتمسك فيها مثل مايتمسك الطفل بلعبة حلوة
أحب أسافر فيها لعالم ماله بداية ولا له نهاية ، عالم مليء بأحاسيس أول مره أحسها وأعيشها..... لذة عجيبة ، دفء غريب ، نسمة حنونة تداعبني وأداعبها بأطراف أصابعي
أغمض عيوني فيها ويبتدي معاها إحساسي الجميل.... أحس معاها أني مسافرة بس موبطيارة!!! سفرتي هذي علي غيمه .... آه يا حلاتج ياغيمتي توديني لدنيا بعيده وعجيبة بنفس الوقت ، دنيا ما فيها حقد وكراهية...ولا زيف وخداع....ولا حسد وبغضاء
اللي فيها بيبان كلها من غيوم
الغيمة الأولي..... فيها حب لذته عجيبة أول مره أتطعمها
والغيمة الثانية....فيها دفي بحياتي ماحسيته
والغيمة الثالثة....فيها رعشة قلب تدور علي اللي يسكنها
والغيمة الرابعة....فيها وجودي وجودك....حياتي وحياتك...عمري وعمرك...آه يا أحلي عمر
وبلحظة أتنهد فيها من أقصي ضميري،،،، أفتح فيها عيوني وأبتسم من كل قلبي،،، ويبتدي دمعي ينهمر بس هالمره من الفرح....لأني سافرت معاها،،،وراح أرجع وأسافر معاها مره ثانية وثالثة ورابعة بعد....لأنها احلي غيمة بوجودي
وأنتوى أصدقائي الأعزاء بهالحظة أبيكم تبتدون وبكل هدوء....غمضوا عيونكم وبدو العد....واحد...أثنين...ثلاث،،،،،،،،
وفتحوا عيونكم وقو لولي شحسيتوا فيه .......؟
دمتم للغيوم
posted by فراوله at 29.6.07
43 Comments:
غيوم صيف :)
سرحي واستكشفي نفسج :) واخذى نفسج على الاخر
هلا وغلا والله بالعزيز الغالي
صاحب القلم الشريف
مشاري
:)
تصدق عاد مافكرت اذا كانت غيوم صيف والا شتا المهم انهم غيوم والسلام
وأهم احلا شي عندي
وخصوصا اذا كنت سرحانه
;)
جرب هالشعور..وصدقني بتحس باحساس عجيب
دمت بحب وود
:)
أول شي يعطيج العافية على هالكلام الحلو و تسلم اناملج الذهبية :)
تصدقين حسيت معاج اني فوق فوق فوق وايد بعد بس.. لما استوعبت ان مو صج حاشني احباط لان صج ودي اكون في عالم عير هالعالم و مع ناس غير هالناس بدون كذب و نفاق خيانة
مرة ثانية شعور كان في بدايته وايد حلو... دمتي فراولة
Londoneyya
الللللله
ياريت صج نقدر نطول الغيوم..
المشكلة انا الخيال اوسع واكبر من الواقع المرير المؤسف
حبيبتي فراولة ياريت كل الناس ملائكة مثلج ويملكون نصف حنيتج ورقتج
جان الدنيا بخير
دمتي بود
صباح احلى غيوم
صباح غيوب الشتاء
ما عشقت كثرها
وايد احب الغيم
وخصوصا بالشتا
ممتع الصفاء مع النفس ممتع الخيال
ممتع السرحان
:)
بس صعبه اسويها الحين لانى بالدواام وحدى متنرفززززززززززه منهم
://
بوستج خفف على
تسلمين يا فراوله
:)
صباح الخير وكل الخير
حبوبة
Londoneyya
الله يعافيج حبيبتي
بذمتج شلون الشعور مو يهبل
ويخليج بدنيا أحلي من هالدنيا اللي أحنا فيها
@@@
تصدقين كل ما تضايقت سافرت مع غيمتي العجيبه
دمتي غاليتي لأحلي الغيوم
:))
صباح الجوري
واللي أحلي من الجوري
لحبوبتي
عالية
كلامج شهاده أتشرف فيها
وأشيلها تاج علي راسي
لأن الأحساس اللي يغمرني لمن أكتب تلك الكلمات
تكون بقلبي أمنية وحده..أن لمن تقرون اللي أكتبه تحسون فيه مثل ما ماأنا أحس فيه
والحمدلله أن وصل لقلبج
الجميل مثل ما أسمج أجمل
وعلي أطرائج الأكثر من رقيق أنا أظل مخلوق ضعيف ونتمني نوصل مواصيل الملائكه بس الحمدلله علي كل حال
دمت لي غالية
يا عالية
:)
صباحوا يا حلوه
ياأكثر من حلوه
كاريزما الغالية
يعطيج العافية لأنج مداومه
@@
وقوليلي بس منو الي منفزج من الصبح
خليني أذبحه؟؟
والله أن أحلا احساس بالدنيا
مع الغيوم سواء بالصيف او بالشتا
والشتا لها طعم أحلي لأن فيها دفيء
أكثر
;)
حبيبتي لين رجعتي البيت وقبل ما تحطين راسج علي المخده باليل جربي هالأحساس
ودعيلي
دمت بود وصفاء مثل تلك الغيوم
:)
الغيمة الاولى
احبه ووجوده ضروري بحياتي
الغيمة الثانية
يا حلو هدوء الويك اند
الغيمة الثالثة
عشا في ماكي
يا زيييييين السوشي
الغيمة الرابعة
انا طايرة بعيد
مالي خلق ارد
.
.
وما ودي اتخلص غيومي
تسلم ايدك
This comment has been removed by the author.
ازيك يا فراولة ...ربنا يبعد عنا الغيوم؟ بس لعله خير فى آخر الحلم؟
فراوله
ياما حلمت مثلج اني اطير بين الغيوم
بجد كنت افرح كوني اقدر اوصل للثريا
بدون مساعدة احد .. ما تتصورين شكثر اسرح لما اكون مسافر واشوف منظر الغيوم بالسما احس فيها جزء من عزّتي!! نظرية الاسماء تتحكم بشخصية اصحابها ولطالما انا المناف اللي ترتفع الرقاب عشان تشوفه وتوصل له والمناف عينه على السما والغيوم والطيور والمطر :)
.......
غيمتي اللي كنت احب انها تلامسني بعثرتها بصلابة تكويني
_________________________________
ملاحظه
المناف : قمّة الجبل او اعلى قمه بالجبل
........................
كثيره الغيوم
وكل واحد فينا له الحق يختار الغيمه اللي تعجب عيونه
حسافه
غيمتي اختاروها
_________________________
اهداء لج وللي بقلبه حب من زوار
مدونتج
اغنية
مابتعلمش
للرائعه
أنغام
قاعد اسمع هالاغنيه وانا اكتب الكومنت
وحاطها رنة تليفوني وقاعد اعيدها الف مره بالسياره
هلوووووووو وألف هلووووووو
بالحلوة النويرة
وأنا أقول في نور موطبيعي أثراج موجوده عندنا
@@@
غيمتج الاولي
أحبها واتمناها بكل لحظه
والثانية
أموووت بالهدوووء بالويك اند
والثالثه
من كليت فيه وأنا متولعه باكله حدي
صج عجيب
والاخيره
صج ياريت نقدر نطير وما نرجع الا باختيارنا
دمت بحب وود ودفء تلك الغيوم
يا
nachla
;)
أهلين ومرحبتين
وزيادة حبتين
لحضرة الفيلسوف
الكريم
ليه عاوز تبعد عن الغيوم؟؟
أنا اللي كنت باصده من الغيوم الغيوم اللي كلها رومانسية وحب ودفا
مش الغيوم اللي بتعكر المزاج
وعلي العموم أنا بشكرك لمرورك بالمدونه بتاعتي
دمت للغيوم الجميلة
:)
مساالحلا
مساالغلا
مساالغيوم الجميله
لأحلي ورد
منوف
شفت أحاسيسنا لمن تكون بعيده عن المشاكل والمهاترات
والسياسه وغيره وغيره من الأشياء اللي تعكر المزاج
شلون نصير..صدقت والله يالمناف يا ياأحلي ما في قمة الجبل
أحساسك أنك مثل الطير اللي يرفرف بجناحاته بكل ماتعنيه الكلمة من حرية
صج إحساس روعه
المناف ..ياأحلي ورد
دمت لدفء تلك الغيوم
:)
مساء الورد الجوري والفراوله الحمرى
اخيه شنو هالاحساس
فعلا حتى الي يقرى قاعد يتحلم معاج ويعيش هالجو بس انا كرهت الغيمه الثالثه قوليلها تبعد عنج ترى ما ارضى عليج
على فكره
احنا عندناغيوم بس احنا غيومنا نادره وما تطلع الا بالشتا ولا بالمنه بعد
اتمنى لو لقيت غيمه تكون كلها راحه من كل شي
تحياتي يالحنون
:)
انتي كاتبة عن الغيوم وآنه مودي دريمي ايبااااااااا
;)
ريحتي اعصابنا يا فراوله
عسى الله يريح بالج ياربي ياحبيبي
مساالغلا للغالين
للي بأقصي القلب ساكنين
واللي فرقاهم عن العين شي أكثر من شين
أخيتي الصغيرونه
أحلي مجنونه
بقلبي
شفتي أحاسيس الفراولة شلون صايره
بذمتج مو عجيبه؟؟
@@@@
تصدقين حبيبتي كل شي أحس فيه ودي تشاركوني فيه تدرين ليش لأنكم أحلي ثروة ممكن أمتلكها بدنيتي اللي أعيشها
والغيمة اللي ماحبيتيها راح اقولها بعدي عني ..بس يمكن ترجع لي بس مع أحد يستاهلها
:)
وقولي آميييين الله يخليج تستقرين بأحلي غيمة تنورلج دربج..وتريحلج بالج..وتخلي كل هم بعيد عنج
اللهم آمين
يارب
دمت بحب وود لي
يالغالية
يامجنونتي
;)
مساالريلاكس
لغاليتي ريلاكس
بكل شي أكتبه قصدي أنكم ترتاحون لمن تقرونه
والحمدلله وصل الاحساس لكم
ياأحلي أصدقاء بالدنيا
أحبكم وايد
وايد
والله يريح بالج وخاطرج
آميييييين يارب
دمت بود وتفاؤل
:)
مشاء الله على الكلام الحلو دائما مبدعة ياريت هالغيوم تأخذنا لبعيد كا تصورت كلامك جميل جميل فوق الوصف ماهذا الابداع نتمنى أن نطير مع الغيوم وتأخذنا حيث نريد
صباح الخير
:)
كلااامج عجيييب
وغمضت عيني وعديت
1
2
3
الا دريل البلديه يكسر الرصيف
لووول
احاول لاحقا ان شاء الله
صباح الخير
حاولت أغمض وأتخيل الغيوم.. بس حرارة الصيف ما عطتني أي فرصة... ولذلك قررت تأجيل المحاولة التالية إلى الربيع يمكن تنفع معاي
:)
.
دايما جميلة وناعمة وحالمة ورقيقة وأنيقة ورشيقة يا فراولة... واللطيف أن كلامك كالمطر الذي يهطل علينا فتغتسل به الأرواح والقلوب.. ويبعث النسمات الباردة والعذبة التي تنعش صيفنا الحار وتذهب عنه الغبار
.
دمتي ودام لنا ما تكتبين
:)
هممممم
احساس عجيب بالإستمتاع وانا اقرا كلامج
حلم حلو
دفا احلا
وطعم ياليته يدوم
احساس بالخدر
يغازل اطرافي
سكون عجيب
ورغبة بالسلام
احتواء ماله اول من آخر
كأن العالم انا وانت العالم
كل الغيوم انت وانا كل السماء
حدودي امطارك
برقك ورعدك
شحنات كهربائية تسرى بكل جسدي
تناديك
وتطرب لذكر اسمك
عجييب
فعلا عجيييييييييييب
غيمه ورى غيمه ولو نقعد نطالع الغيوم ونتأمل نحس نفسها بعالم ثاني
سبحان الله الغيوم تخلي الانسان يرتاح ولو لثواني
خصوصا لي خذينا نفس عمييييق
لو كل غيمه نصادفها بهالوصف جان عشنا وصرنا بخير
شعور جميل جدا وهادي وماينوصف
مميزه وبوستات جميله من انسانه عزيزه علينا
لأ لأ لأ يافراولة ..
تعبني بوستج ..
ماريد اغمض عيوني ولا اريد غيمة ..
لاني لو طلعت هالغيمة اخاف ما ارجع
واحلم واحلم واحلم واحلم ومابخلص
وعقب برجع للواقع وبتعب
فخليني ساكته وااايد ابرك واحسن اهئ
مساالأحاسيس
الجميلة
حبيبتي المجهولة
والله من قلبي أتمني ان كلنا نطير علي تلك الغيوم
حتي يتسني لنا نسيان هذا الواقع المرير
دمت بود وحب
:)
مساالجمال
بس بدون حوادث
غاليتي
what will be ,will be
سلامات يالغالي سلامات
ديري بالج يالغالية
تري انا أبيكم تعيشون الاحساس
بس بدون عواقب وخيمه
تكفين جربيه قبل ماتنامين باليل
ولما تكونين محتاجه هالأحساس
:)
مساك حلا وغلا
لا والله كل شي حلو
مثل اسمك الغالي
العزيز
الفيصل
والا بوغازي
شودك أناديك
تدري كل شي يلوق عليك
تدري ليش
لأنك طلتك لها رونق جميل ويشعر كلماتي
ان احساسي بمحله وماراح هدر
وايد مشكوووور يالغالي
عل كل الكلام اللي قلته بحقي..وتراني ماعبر عل هالكلام
لأني عيوني تسبقني بالدموع
لأنكم حسيتوا بنفس الأحساس اللي تمنيت ان يوصلكم
دمت لي بحب وود ودفء لتلك الاحاسيس
يا
بوغازي
:)
هلا وغلا بسيدتي
zozota
الرقيقه
صاحبة الأحاسيس المرهفة
التي تجعلنا عندما نقرأ ما تسطره أناملها
نقف بصمت دون كلام
لأنه شعور يلامس القلب بدون مقدمات
سيدتي
أشكر كلامك اللي ماأقدر
أزيد عليه
تدرين كلام شعرا بعد
ومنو اللي يقدر علي الشعرا
دمت بود وحب ابدا
غاليتي
:)
مساالحلا
مساالغلا
مسا الشوق
للغالين
اللي صارلنا فترة فاقدينهم من غير شر؟؟
مساالشيما
حبوبتي
كل ما اسطره من مشاعر وأحاسيس
بهذه المدونه هو منكم ولكم
أشعره به ثم أوصله لكم لكي تشعروا معي
بما شعرت واحسست
أحبكم جميعا بالله
دمت بود وصفاء
:)
هلا مليوووووون
لأحلي عيوووووون
عيون الحب
لا تكفين أبيج تجربين هالشعور والله
ان عجيب
كثييييير
اساسا نحتاجه من فتره للثانيه
لأن الواقع وايد مرير
ويعور القلب
عشان جذيه نبي نهرب من واقعنا لأحلا خيال
وهو الغيوم
دمت للغيوم
:)
مساج الله بالخير :)ا
دائمارقيقة وحالمة وناعمة :)ا
صعب علي احلم اخاف اغمض دقيقة والاقي عصاة امي ترنع على راسي :)ا
حافظج الله يالغالية :)ا
الــ عليكم ــلام
تحية طيبة و اتمنى ان اكون ضيف خفيف عليكم هذي اول مشاركة لي في هذه المدونة
بصراحة و الله العظيم اني حسيت اني طاير بين الغيم
بصراحة انا كنت اقرا سحر
تسلم ايدج
و بالتوفيق ان شاء الله
نايس ويعطيج العافيه بس انا ماحسيت بشي شنو يعني ؟؟؟
صباح الخير فراوله..
اليوم غير عن كل يوم..
صارلي ساعه وانا فاتحه البلوق على موضوعج..
وسويت مثل ماقلتي غمضت عيوني وعديت..
وليتني ماعديت..
تخيلت الغيمه اللي تقولين عنها..
كانت لاحظي كان فعل ماضي..
كانت غيمه حلوه بس هالغيمه خلت عيوني تنترس دموع وكملت معاها واسترجعت كل شي حلو فيها..
بس للأسف رديت لواقعي ولغرفتي وكرسي المكتب وانا بروحي جدامي الكمبيوتر مبطل على موضوعج..
حلو الحب بس عزاي لقلبي الوحيد ..
مساالعادة التي تغمر قلبي كلما
قرأت اسمك بمدونتي المتواضعة
غاليتي
أم بخنق زري
والله كلماتج أخجلتني..تصدقين لو قلتلج
أني مخلوق يفيض حنية ورقة وعذوبة
وكل هذا يترجم لكم من خلال كلماتي
المنثورة بتلك الاسطر
المتواضعة
دمت لي غالية
يا
أم بخنق زري
:)
مساك خير وكل الخير
عزيزي
خسرتيني للأبد
أسعدتني زيارتك الأولي لهذه المدونه
مدونة الفراولة
وطبعا تشرفت أنك تكون من أصدقائي الدائمين
وشعورك اللي وصفته بتعليقك
هذا مااردت اني اوصله لكم
والحمدلله انه وصل
نصيحة جرب هالاحساس من فترة لين الثانية
دمت بود
ولا تقاطع فراولة
:)
ما رد الغيمة ترقع الغيمة و تنزل احلامج و خيالاتج مثل المطر
هلا بالأخ حمودي
اللي ما حس بشي
من تلك الأحاسيس
اللي بالغيوم
أقولك شي؟؟
شوف تخيل ان ودك تكون بمكان جميل وهاديء
مع احد تختاره
وهيء نفسك ...وبعدين جرب هالأحساس
أكييييد بتعيشه هالمرة صدقني
دمت بصفاء
:)
مساالغلا
مساالحلا
مساالشوق اللي ماينوصف
للغالية الحبيبة
امبراطورة قلبي
شفتي أختج هالمرة شلون قامت تبدع؟؟
بذمتج مو إحساس عجيب
وغلاتج من فترة للثانية
أمووووت علي هالأحساس
وأعيشه من لحظة للثانية
وأتمني ربي يجمعني مع هالأحساس
بأرض الواقع
باذن الله تعالي
دمت بحب وغلا
وموده دائما وابدا
:)
i dedicate u Celien Dion song:
If Ever Boy
:)
مساالورد والجوري
بغاليتي أسيل
مسكووووور حبيبتي وانشاءالله راح اسمعها
دمت بحب ووده
ابدا
:)
هلا وغلا مطقوق
سامحنا ياخوي
تري سقط سهوا
وتقدمت الفاضلة اسيل عليك
والله ياخوي خليها تنزل مطر كلشي خير من الله
دمت بود
:)
Post a Comment
<< Home