نور الدنيا

Monday, July 2, 2007

" خاطرت قلبي "

خاطرت قلبي
أعيش حالات غريبة هالأيام ومختلطة بنفس الوقت ، أهي باختصار مجموعة أحاسيس...مشاعر...هواجيس...مادري والله شقولكم المهم إني أحسها وأعيشها بهالأيام
يمكن خوف من شيء ما ،،،،يمكن فرح ( بس غريب نوعا ما ) ،،،،يمكن ترقب أنه بصير شيء شنو أهو مادري
...جايز يصير الحين أو بعدين ....بعد ثانية...لحظة...يوم ....أسبوع...أو شهر ...بس ما أتمني أكثر من جذيه
لأني بيني وبينكم أخاف الانتظار بصورة مو طبيعية!!!!!؟؟؟؟؟
قلبي ينبض بشي ...يهمس بأشياء...يرتعش بكثير أشياء...بس هالمرة خاطرت قلبي جميلة إلي درجة الغرابة
أحسها تداعب قلبي وتقولي لازم تقولين هالمشاعر للي حواليج، لازم في أحد يحس فيج يشعر باللي بداخلج
وتصدقوني لين قلت لكم إني ما لقيت...ولا راح ألقي أحباء قريبون من قلبي غيركم ، فلأجلكم قلبي ينبض ويفيض بتلك ،،،،،،،،الخواطر المكنونة بداخله فإليكم خاطرتي

شنو هالكون بعدك علمني وش يكون
شنو هالدنيا بدونك غير............... صمت وسكون
الصبح شاحب.............. والليل تملاه الظنون
والزوايا موحشة............فاقده قلب حنون
عادي كل الناس عندي يروحون أو يجوون............إلا أنت غير الناس غيبتك عندي ماتهون

،،،،،،،،،وأنتو أصدقائي الأعزاء إذا غبتوا عني قلبي تعصره الظنون
posted by فراوله at 2.7.07

40 Comments:

شكلج ياتعيشين حالة حب ..
:| ياتبين تعيشين هالحالة

شوفي انا بعد احيانا احس باحاسيس تعيشني في عالم ثاني غير عالمنا ..

ما انكر واقول اني ما احلم .. احلم بس لما اشوف اني اتعب لو رجعت للواقع

ارفض هالاحاسيس واتناساها غصب
بس تدرين لما تبوحين بهالشي لشخص ترتاحين اكثر من شعورج فيها وانتي ساكته

احيانا كثيرة احس فيج شي يذكرني بنفسي
:) الله يكون بعونج عيوني

ويسعدني اني اول رد عالموضوع لوول

July 2, 2007 at 1:18 PM  

مساء الاحساس والرقه
مساء الحب كلـــــــه

إنتي أصلا كللللللللله يافراوله
والله إني حسيت بكلامج لأن تعن علي حالات مثل حالاتج عادي :))))


ولأن كلامج من قلبج مثل ماقلت لج من قبل الاحساس الصادق لايستأذن القلوب قبل دخوله

July 2, 2007 at 1:46 PM  

صباح الحب
صباح الخواطر
صباح الفراوله


وربي الدنيا بدونج انتي ماتسوى ..

هذا اللي اقدر اقوله لج غاليتي ^_*

July 2, 2007 at 4:54 PM  

الله يا فراولة

احساس مرهف مرهف مرهف
اعيز واقول مرهف

الله ينولج اللي في بالج

July 3, 2007 at 1:00 AM  

السلام عليكم ورحمة الله وبركاته

أول مرة أزور بلوقك بس الظاهر إنها مو الأخير

الحب حب :)

أروى

July 3, 2007 at 3:04 AM  

Aw yemken shay na6ra
shay yewannes when you
get a comment from hamdool ;p

Mashalla great words ..
w Allah ye6ammen balech
w tray7een rasech mn el tafkeer

:)

Tra wayed ghair when U live
eb ras mo mashghool eb za7mat
ashya2.

July 3, 2007 at 3:33 AM  

الله يا فراولة .. لذيذة وهم شفافة

احساس مرهف وشفاف

انشالله إييلج شي زين وحلو بالحياة

تفاءلوا بالخير تجدوه

تستاهلين كل خير

July 3, 2007 at 7:12 AM  

كلام القلب يوصل للقلب

فراولتي الغالية انتي انسانة شفافة وااايد

ساعات من كثر نحب شخص نخاف نفقدة! يلا هذي الدنيا

عاشر من تعاشر فلابد من الفراق

والله لايجيب فراق يالغالية وتبقين منورنتنا

July 3, 2007 at 2:57 PM  

صبحج الله بكل خير اخيتي نور الدنيا

ما اقول الا ...عسى الله يعطيج اللي تتمنينه

July 3, 2007 at 6:06 PM  

ويه ما احب هالحالة انا
احب الاموور دغرى دغرى ودعوووووم :))

موفقة لكل خير انشاء الله:)

July 3, 2007 at 10:52 PM  

لما وصلت عند اخر سطر
بقلبى قاعدا اقول احسه مع كل صديق قريب من قلبى

الصدييييييييق

لقيتج اهديتى لاصدقائج وحبايبج البلوقيرز
:)


حبيبتى انتى
تستاهلين كل خير يا فراوله
والله ينولج الى فى بالج
:)

July 3, 2007 at 11:20 PM  

فراوله


يانور الدنيا

شهالاحاسيس والمشاعر

ياهايمه وولهانه


انشالله مانغيب ومايغيب اي شخص غالي عليج ابد

July 4, 2007 at 1:55 AM  

اسأل العزيز القدير ان لا يحرمج من احبابج يارب

July 4, 2007 at 3:02 AM  

اعرف هالمشاعر هذي
حلوه
بارده
على كثر ماتحيرنا
تعطينا امل

الصبح شاحب

وايد عجبني هالتعبير

July 4, 2007 at 3:24 AM  

عندما ازور مدونتك يتسلل لاحساسي رائحة فراوله عبقه مع كل كلمة من كلماتك
انتظار لذيذ
اتمنى ان يكون ختامه بمسك
ختام الانتظار يتحقق معه كل الأمنيات
:)

July 4, 2007 at 6:50 AM  

فراوله

كلي اللي عليج تسوينه

مدّي ايدج اكثر


صدقيني

................

ساعات اللي نحبهم على كثر ما نمشيلهم

ما نشوفهم يمشون لنا

تدرين ليش

!!

لأنه كل خطوه يمشونها

احنا نبادلها بخطوتين


...............

تعلمت شي من الحب

راح اقوله بعدين

عندي

في بلوقي

:)



فراوله

الله يهنّيج

July 4, 2007 at 8:34 AM  

الله ع الأحاسيس
حسيت بكلماتج وآنا أقرى, مشاعرج المختلطة هواجس تصيبنا كلنا

والأجمل إني أشوف التفاؤل يلون حروفج
بلون الفرح,

يازين هالحالة
^_^

July 4, 2007 at 12:42 PM  

مساأحلي عيون
بعالم المدونات العجيب
عيون الحب
غاليتي
من منا لا يعيش الحب، او لا يريد ان يعيشه بهذه الدنيا التي نعيشها
تصدقيني القول بانني لم ولن ومستحيل
أحيا بدون رومانسيه
سواء بين عائلتي،ام اصحابي،ام اي شخص بهذه الدنيا يكون بيني وبينه رابط جميل
والدليل علي ذلك هو البريق الموجود
بعيني والذي ولدت فيه من نعومة أظافري
دمت بحب وود دائما يا صاحب التعليق الأول
:)

July 4, 2007 at 2:50 PM  

مساالراحة النفسية
التي أستهويها كلما أطللت علي بطلتك
الجميلة
غاليتي الحبيبة
relaaax
والله انت الاحساس والرقه والتفاؤل كله
وهذا اللي اتمناه من رب العالمين
ان كل شي احس فيه واكتبه
يوصل لقلوبكم بدون مقدمات
وهذا دليل الاحاسيس الصادقة اللي بينا
الله لا يخليني منكم
يا احلي ثروة بالدنيا
دمت برضا
:)

July 4, 2007 at 2:53 PM  

مساالحلا..مساالغلا..مسازهور الدنيا
وما فيها
للي بالقلب موجوده
غاليتي
الامبراطوره
كلماتك الجمت اللسان
وعجز عن التعبير
ولم يستطيع البوح باي كلمة
غير الدموع التي انهمرت من مقلتاي
دمت لي ابدا غاليه
يالامبراطوره
:)

July 4, 2007 at 2:56 PM  

مساالعذوبه اللي بالقلب مكنونه
حبيبتي زوزوتا
انت من تملكين كل تلك الاحاسيس
ونحن نتعلم من نبعك المتدفق
دائما يا نبع العذوبه اللامتناهية
دمت بحب وعذوبه ابدا
:)

July 4, 2007 at 2:58 PM  

هلا وغلا بالعزيزة
اختي أروي
اهلا وسهلا بك بمدونتي المتواضعة
وتشريفك لي اثلج صدري كثيرا
وصدقتي غاليتي ان الحب اجمل شعور بالدنيا ولا يمكن ان نحيا بدونه
دمت بدفء
وارجوا اعادة الزيارة
:)

July 4, 2007 at 3:00 PM  

مساك خير واكثر بزيادة
أخي الكريم
hamdool
أكيد اني بستانس لمن اشوف تعليق منك
;)
تدري ليش لانك انسان شفاف بشفافية كلماتك الموجوده بين طيات تعليقك
ولا كن اسمحلي ان اخالفك الراي بمسالت التفكير
لاني طبع شين فيني
مااقدر ما افكر بشي..ليش مادري؟؟
يمكن لان نشاتي كانت بمسؤليه اللي تحملتها وصار لا زم افكر بخواني وبكل شي يخصهم، واللحين كبر هالشي فينى
عشان جذيه مااقدر ماافكر
وخصوصا بالاحاسيس الجميله
;)
دمت بود
:)

July 4, 2007 at 3:06 PM  

مساالالماس
لاغلا الماسة بعالم المدونات
حبيبتي انتي والله الشفافية اخذها منكم انتوا لانكم انتوا من يلهمني كل تلك الاحاسيس الجميلة
والله ينولج كل خير وسعاده بهذه الحياة
دمت بحب وتفاؤل
:)

July 4, 2007 at 3:09 PM  

هلا وغلا بالنجمة العالية بسما
مدونتي
هلا بعلوية
تسلمينلي حبيبتي
والله يسمع منج ولا يفرقنا عن بعض
آمين يارب
دمت برضا
:)

July 4, 2007 at 3:11 PM  

هلا وغلا ومسهلا
هلا باللي غايبين عنا ومانرضا انهم يغيبون هالكثر..بس تدري عسا المانع يكون خير يارب
أخي العزيز عثماني
أشكر دعاؤك الصادق
ورجاء صغيرون من الفراولة
لا تطول علينا تراك وحشتنا
وايد
دمت ياعثماني الفلته
;)

July 4, 2007 at 3:14 PM  

مساالخير والكرامة
لأخوي العزيز مشاري
يازينك ويازين تعليقاتك
صج لها طلعات عجيبية
بس تدري
أحلي شي بالدنيا
الدغري والدعوووم علي قولتك
بس وين اللي يجرؤ علي هالشي؟؟
دمت ياصاحب القلم الشريف
:)

July 4, 2007 at 3:16 PM  

هلا بحبيبتي الغالية
charisma
تسلميلي والله
تدرين اهديته هالاحاسيس لاصدقائي البلوقرز
لانكم فعلا انتم جميعا اغلي ثروة ممكن يمتلكها الانسان بحياته
دمت لي غالية وصديقة
ابدا
:)

July 4, 2007 at 3:24 PM  

مساالشيما
للغالية شيما الكندري
الله لا يخليني منكم ويخليكم لي اهل واصدقاء واخوان اعزاء علي قلبي آمين
يارب
دمت بحب ودفء
ابدا
:)

July 4, 2007 at 3:26 PM  

مساالخير والكرامة
لاخي الكريم
solaiman
الله يتقبل منك هالدعوه آمييين
ولا يحرمك من كل شخص يعز علي قلبك
شاكره مرورك الغالي
ولا تقاطع الفراولة
:)

July 4, 2007 at 3:28 PM  

مساالعذوبة المتدفقه من تلك الاحاسيس
المنهمره من مبدعنا الغالي
براك
دائما نعيش لاجل هذا الامل ولتلك الاحاسيس
لانها هي من تمدنا بالتفاؤل الذي نستطيع من خلاله عبور مشقات هذه الحياة
دمت بود وتفاؤل
يا
مبدعنا الغالي
براك
:)

July 4, 2007 at 3:31 PM  

هلا وغلا باغالية
estekana
انا كثير اسعدني مرورك الجميل
اللي زادني شرف
غاليتي تمنياتي لك بدوام التفاؤل المتجدد بحياتك
آمين يارب
دمت بود
:)

July 4, 2007 at 3:34 PM  

مساالورد لأحلي ورد
منووووف الغالي
والله يالغالي وايد مديت ايديني بس للاسف
مالقيت اللي يقدرون هالايدين
:(
تدري ليش يمكن لان الدنيا صارت دنيا مصالح وخلت من كل تلك المشاعر؟؟
او يمكن شي ثاني انا اجهله؟
بس اللي ابي اعترف فيه اني ما اقدر اعيش بدون هالاحاسيس
وبظل اترجي الامل اللي ينور حياتي
باذن الله
دمت لي ياخوي السادس
يابو عبدالله
:)

July 4, 2007 at 3:38 PM  

هلا وغلا باحلي
جنون بالدنيا
غاليتي جنون احساس
قولي آمين الله ينور حياتج ويجعلها تفاؤل بتفاؤل
بتفاؤل ابد الدهر
دمت بحب وود وتفاؤل
:)

July 4, 2007 at 3:40 PM  

الحب نعمه

July 4, 2007 at 10:01 PM  

مساالخير والكرامة
لأخي الكريم
butterfiler
أسعدني مرورك الأكثر من راقي
تعليقك صغير بكلماته
ولاكنه كبير بمعانيه الجميل
صحيح يا خوي الحب نعمة من نعم الله سبحانه وتعالي
علينا
لاتقاطع الفراولة
دمت بود وتفاؤل
:)

July 5, 2007 at 11:56 AM  

جميل أن يكون في حياتنا شخص يستحق أن نقول له: إنت غير الناس عندي
.
تمنياتي دائما لك بالسعادة
:)

July 5, 2007 at 5:09 PM  

بكل وقت احب اسمع كلامج


النفسيه صفر ما عليه ما عندي شي اقوله

July 6, 2007 at 12:15 AM  

مساالسعادة المتجدده كلما قرات تعليقك
الذي يجعل عيناي تنهمر بدموع الفرح
وتجعلني استمر بالتفاؤل بغد جميل ينور حياتي
التي طالما شحبت من الظلام
بوغازي العزيز
تمنياتي لك بان يكون بحياتك ذلك الشخص
الذي يستحق ان يقال له
انت
غير الناس عندي
@@@
دمت بسعاده ورضا ابدا
:)

July 6, 2007 at 6:48 AM  

مساالجروح الي تعبنا واحنا نترياها تندمل
مساالاخوة المستمره باذن الله تعالي
مساك خير وكل الخير
اخي العزيز
الجريح
احسست من كلماتك بانك تعبان كثير ومثقل بالاحزان
:(
الجريح الم نتفق من قبل ان تفتح صفحة جديده لحياة ومستقبل جديد؟؟
وماذا بعد ذلك؟؟
جروح والم يعتصر القلب الذي لم يعود يحتمل الكثير من الاحزان
اخي العزيز اتمنى ان تنزال تلك الغمة التي تجثم علي صدرك
وان يملؤ الله سبحانه وتعالي قلبك بسعاده لاتغمرها سعاده
وهي مانسميها بالسعاده الابديه
دمت بود ورضا
ابدا
:)

July 6, 2007 at 6:56 AM  

Post a Comment

<< Home