نور الدنيا
Friday, July 6, 2007
" فاصل ...ونواصل "
" فاصل ونواصل"
يمكن اليوم تلاحظون إني بغير شوية من الوضع اللي تعودت تكون عليه فراولة...أو نور
اليوم خاطري اسالكم سؤال ...؟؟؟سألته ناس كثيرين ودي اسالكم إياه وتجاوبوني عليه....
سؤالي اهو
لو يرجع الزمن فيكم عشر سنين ورا ....شنو اللي بخاطركم تسوونه ...؟؟؟؟
وتدرون أنا أول وحدة بجاوب علي هالسؤال...أنا لو يرجع الزمن فيني عشر سنين ورا
يمكن اليوم تلاحظون إني بغير شوية من الوضع اللي تعودت تكون عليه فراولة...أو نور الدنيا ...بس أهو فاصل صغيرون ونرجع للي كنا عليه
اليوم خاطري اسالكم سؤال ...؟؟؟سألته ناس كثيرين ودي اسالكم إياه وتجاوبوني عليه....
سؤالي اهو
لو يرجع الزمن فيكم عشر سنين ورا ....شنو اللي بخاطركم تسوونه ...؟؟؟؟
بانتظار إجاباتكم أصدقائي الأعزاء
وتدرون أنا أول وحدة بجاوب علي هالسؤال...أنا لو يرجع الزمن فيني عشر سنين ورا
ماراح أفرط بأشخاص كانوا ينورون حياتي..وكنت الاقيهم حوالي بكل
وقت وحين..يحسون فيني وبالي أشعر فيه من قبل ماأتكلم..بس من نظرت عيني..بس
هذا حال الدنيا تقرب وترجع تفرق..يارب يكونون بخير وين ماكانوا اللحين
posted by فراوله at 6.7.07
63 Comments:
اهي غلطه وحده ما كنت راح اعيدها
والله
........
والشي الثاني جان تعرفت عليج
:)
يصير بعد اقول شي
جان ما دخنت
لان والله اللي صار لي يخرّع
:(
مابي اموت بشوف عيالي يكبروون
وافرح فيهم اوّل
سؤال جاء في وقته
1- ابتعدت عن التدخين وداريت جسمي من هالسموم اللي نستنشقها يوميا
2- تعلمت اللغه الفرنسيه
3- كملت دراستي خارج الكويت
4- كنت ابتعدت عن الجل اللي غرقت فيه راسي ليمن صلعت
5- تعلمت ادق عود عشان الحن الكلام اللي اكتبه
6- حاولت اتعلم الرسم
7- بس
لا أعرف جميع أخطائي... ولكني أزعم بأني أعرف أخطرها وأكثرها تأثيرا في حياتي... والسؤال المقابل الذي أطرحه في هذا الصدد هو: إلى أي مدى نحن صادقين مع أنفسنا... بمعنى أنه لو رجعت عجلة العمر فينا فعلا إلى الوراء فهل سنحسن التصرف ونغير من قراراتنا ونصحح أخطائنا ونعيد صياغة حياتنا نحو الأفضل؟؟ وإلى أي مدى؟؟
.
أطرح هذا السؤال في هذا المقام لأن الواقع العملي يكشف لنا أن الكثير منا لا يسعى للاستفادة من تجاربه السابقة، ولا يبذل جهدا في تصحح أخطائه الحاضرة... فهل أمثال هؤلاء يستحقون أن يعود بهم الزمن ليمنحول فرصة أخرى؟؟
.
الخلاصة:جميعنا يردد أمنية الأديب الإنجليزي د.هـ. لورنس بأن:" ليت للإنسان حياتين... الأولى يرتكب فيها الأخطاء والحماقات، والثانية يتعلم فيها من أخطائه وتجاربه." وهذه الأمنية ـ مع الأسف الشديد غير قابلة للتحقق... ولكن ما هو متيسر وقابل للتحقق هو أن نستفيد من تجارب السنين الماضية... والحد الأدنى من هذه الاستفادة هي الا نتمادى في أخطائنا التي ارتكبناها في السابق أو نعمقها... وأن نسعى في تصحيحها وتجنب إرتكابه مجددا... وأن نمضي قدما بحياتنا إلى الأمام محاولين تحقيق ما فاتنا تحقيقه بالماضي... فلا يزال بالوقت متسع... ولا تزال الحياة تبشر من استبدل أحلامه بالطموح وقرن طموحه بالعمل والعزيمة بتحقيق كل ما كان يحلم به ويطمح لتحقيقه
.
ما طرحتيه يثير الشجون.. ويصعب التعليق عليه في سطور... فسامحينا على التقصير والاختصار المخل بالافكار... وسامحينا مرة أخرى على أننا لم نرد على اسؤالك بجواب ولكن رددنا عليه بسؤال آخر... عل ذلك يقدح العقول والأفكار ويثير التأمل والحوار
وشكرا جزيل لك
:)
عشر سنين وره يا فراوله اغلى نفسى حيل حيل
ولا اعطى قلبى حق ناس ما تستاهل ولا تسوى
:/
لو يرجع الزمن فيكم عشر سنين ورا ....شنو اللي بخاطركم تسوونه ...؟؟؟؟
----------
سأظل كما انا
لكننى سأسرع فقط من وتيرة حياتي
مدونة جميلة
تحياتي
مساالورد لأحلي وأغلي ورد
منووفي
ودي أقولك كلمة وحدة صج معرفتك مكسب لي ..وثرة تستحق المحافظة عليها بكل غالي وثمين
أبيك تفكر بجد انك تبتعد عن التدخين عشان
نفسك..وزوجتك..واعيالك الغالين..وعائلتك..والناس اللي يحبونك وماودهم يخسرونك
دمت لي اخا سادس
ابدا
يااحلي ورد
:)
مساك خير وابداع
يامبدعنا الغالي
براك
شوف أخي العزيز صحيح اننا جميعا نود ان يرجع بنا الزمن للوراء
ربما لنحقق ماكنا أضعنا تحقيقه
مثل ماذكرت...او لنمحي أخطاء ارتكبناها وتسببت لنا باشياء نفسية عانينا منها كثير
بس الاهم من كل هذا هو
أننا باستطاعتنا ان نحقق ماأردنا تحقيقه سابقا حتي ولو جزء بسيط منه
بارادتنا القوية وعزمنا علي ذلك وتفاؤلنا باننا لو اردنا شيئا لفعلناه فعلا
دمت بود وصفاء
ابدا يابوعبدالله
:)
هلا وغلا بالغالين
هلا بالفيصل
أشكر علي كل ماجاء بتعليقك
ولاكن سوف ارد عليك لاحقا
فارجوا معذرتي الآن
دمت بود دائم
:)
غاليتي الحبيبه
كريزما
صدقت بما قلتيه واوافقك الرأي فيه
آه علي ذلك القلب
وما أدراك ماالقلب
دمت بحب وود
وبعيدا عن كل الناس اللي مايقدرون إنسانه
رقيقه وشفافه مثلج
:)
أخي الكريم صاحب البوابة
أشكر مرورك الكريم
بمدونتي المتواضعه جدا
واطرائك الاكثر من راقي
دمت بود
:)
الســ عليكم ــلام
و الله لو يرجع فيني الزمن عشر سنين
ما كنت راح اضيع صلاة
لاني بصغري كنت مهمل
وكنت راح اغير الربعي
وعليكم السلام ورحمة الله وبركاته
هلا والله بالاخ الكريم
خسرتني للابد
شي جميل اننا نعترف باخطاءنا والاحسن منها السعي لتعويض مافاتنا من اشياء قد فقدناها بالسابق
دمت بود دائما واتمني
لك الحياة السعيده مع عدم ترك الصلاة والثبات عليها لانها فعلا نور ينور به العبد دربه للوصول اللي رضوان الله تعالي
:)
أول شى راح اسويه ادرس بره
وفى امور ثانية افضل فيها الاحتفاظ حق نفسى بس
السؤال هذا تري صعب ودائما احب اوخر عنه
تحياتى
بعد تنهيدة كبيرة خذيتها الحين أقدر اجاوب فراولتنا
لو رد فيني الزمن عشر سنين والله كان ما بعت الانسان اللي شراني وكان حبيته اكثر من ما حبني ولا فكرت اكون سبب في دمعة من دموعه و كان حطيته بعيوني و سكرت عليه
ومعاه كان تحققت كل باقي الامنيات في حياتي
صج سؤال كانت اجابته وايد مؤثرة بالنسبة لي
شكرا على هالموضوع يالغالية
londoneyya
هالسؤال دايماً أقوله لنفسي وأتمناه
هذا إحنا =)
نتمنى من غير مانحاول نصلح الغلط ..
أتمنى يرد فيني الزمن ثلاث سنين
وأدرس عدل حق امتحانات رابعه ثنوي
^_^
تألمت وايد من هالخطأ
ولا زلت أعاني, لامكان زين ولا دراسه سنعه وأعتقد ماكو مستقبل
This comment has been removed by the author.
صباح الخير
لو عشر سنين رديت ورا مادرست اللي درسته بس الحمدالله توفقت فيه لانه ميولي كان تربوي اكثر من هندسي
سؤالج وايد صعب
لو يرجع الزمن 10 سنين ورى
جان ما اعطي قلبي
للي ما عرف قدره
جان وطدت علاقتي اكثر
بصيديقات الدراسة
وما خليت الشغل والحياة
تلهينا عن بعض
جان بديت مشروعي اللي
لما الحيييييييييين ما بديته
هاهاهاها
أول شي كنت راح اسويه اني ما ادخل كلية الهندسة :)
أفكار ومبادئ كثيرة مشيت عليها كنت راح امشي على غيرها لان الدنيا واللي فيها ما يسوون المثالية
كنت أسقطت ناس من أوراقي ونزعت أرواحهم من حياتي
و... الاجابة تطول :)
تحية جميلة للجميلة فراولة
وايد شغلات و الله يا فراولة .... وايد
ما اقدر اقول اكثر من جذيه
ولا شي
احب حياتي مثل ما اهي
لولا الاخطاء جان ما تعلمنا
وما صارت شخصياتنا مثل اليوم
حلو ان الانسان يكون ناضج
ومقتنع باللي عنده
مساالخير والكرامة
للعزيز الغالي
مشاري
والله ياخوي ولله الحمد حتي قعدتك بالكويت اثمرت باحلي ثمار خلصت الجامعة وبعدها الماستر
اللهم زيد وبارك والفال للدكتوراه
آمين يارب
واما الباجي فاحنا كلنا نحترم خصوصيات بعضنا البعض
دمت يا صاحب القلم الشريف
:)
غاليتي الحبيبيه
londoneyya
يابعد كل تنهيده بالدنيا..ياعساها تنهيده بعدها راحة
باذن واحد احد
قولي آمين
وصدقيني حاسه بالي بقلبج لانها نفس الآه اللي احسها ويمكن كلنا يختلف عن الاخر باختلاف تلك الآهات
حبيبتي ليسا عيبا اننا قد فقدنا هذا الشخص بيوم من الايام ولا كن ثقي بالله انه سوف يعوض صبرك خيرا مهما طالت المده
الله يمسح علي قلبج ويهدي بالج
آمين يارب
دمت بحب وهدوء نفس باذن الله
:)
مساج ورد وجوري
حبيبتي جنون احساس
استميحك العذر اذا كان سؤالي قد اثار جوانبا قد كنتي تودين ان لا احد يذكركي بها
او انها صفحة من صفحات الزمان التي قد طوتها ذاكرتك
ولاكن اريد ان اوضح لك شي جميلا قد يساعدك علي تجاوز تلك المحنه
لا تنظري ابدا الي الوراء مهما حصل وكان..فقد امعني النظر جيدا للامام بنظرة التفاؤل حتي يمتليء قلبك ايمانا ويقيننا بان هناك بصيص امل لغد مشرق باشراقة وجهك الجميل
دمت بود ورضا
أبدا
:)
هلا وغلا مليوووون
للاستاذ العزيز بلاليط
اتمني ان الله يوفقك دائما وابدا
بكل ماكان...وما سوف يحدث بالمستقبل
انشاءالله
دمت بود دائم
:)
سيدتي العزيز
vancouver
اول شي الحمدلله علي السلامة وانشاءالله كانت السفره مثل ماخططتيلها
:)
صحيح فقدنا اشياء كثيره بس الوقت والعمر جدامنا باذن الله
وحاولي اذا سنحت الفرصة بتعويض ولو جزء صغير من اللي فات
تمنياتي لك بان تبدئي مشروعك وان تتوفقي فيه باذن الله
دمت برضا
ابدا
:)
هلا بالفراشه اسيل
شيء جميل انك قد تخرجت مهندسة
ونبارك لك بهذا الشيء فهو بحد ذاته انجاز لمستقبل مشرق باذن الله تعالي
واما للجانب الاخر وهو الناس الذين صادفتيهم فنحن بالمقابل قد صادفنا
مثلهم او ادهي وامر منهم، لان الحياة ياما تورينا لطالما احنا نعيش فيها
الله يفتح بوجهك الجميل كل خير
دمت بحب
ابدا
:)
هلا وغلا بالغالي عثماني
شلونك ياخوي وعساك بخير انشاءالله
ادري اني بطلت عليكم مواجع قديمه بس
شتسوون بفراوله
ابتلشتوا فيها وتحملوها عاد
بس تمنياتي ان كل مافات جميل وكل ماهو قادم اجمل اجمل بكثير
دمت بتفاؤل
يالغالي
ابدا
:)
مساالنوير للنويره
nachla
الحمدلله ان حياتج كلها جميله
وانج راضية عليها
لان نادر مايكون في بشر بهذه الامنيات
دمت للنوير
يالنويره
:)
مساء الخير :)
مممممم
السؤال يحتاج تفكير
بس انا اقول مثل ماقال الحكيم مادري شسمه
يقول لو رجع الماضي لكرهناااااااااه
يعني ساعات انتحلى على اشياء حلوه وانتمنى ترد بس لي ردت يمكن ماتصير حلوه مثل ماكنا نتصور انها بتصير
بس بجاوب على السؤال واقول لو رد الماضي
اكو صديقات تمنيت اني اعرفهم من زمان
وبنفس الوقت اكو صديقات التعرف عليهم كان خساره
مممم
اكيد اكو بعد قرارات اخرى تمنيت اني مااتخذتها
:)
دمت بحب
التقليد شلون صاير
;)
ما اسوي كل الاغلاط اللي سويتها بهالعشر سنين
ما اغير شي
قدر الله و ما شاء فعل
وااااااااااااااااااااااي
وايد اشياء
اول شي افكر فيه دراستي
بس شالفايده الحين
موضوعج ينن
الحمدلله ماعتقد في شي سويته قبل 10 سنين مأثر في حياتي الحين ..
بس لو برجع الزمن لورا .. كنت بسوي شغلات كثيرة في خاطري حرمت عمري منها بسبب اجتهادي وبسبب سخفها في عيني لحظتها لوول ..
والحين احس اني ماعشت حياتي يعني طول عمري افكر بعقلانية فماحسيت بطفولتي ولا مراهقتي لووول ..
ووووووبس الموضوع يضحك وفي نفس الوقت السؤال صعب لول ..
مساء الفاصل الاعلاني
--> تتحرش ترى ;p
اقولج شي كل شي كاتبه ربي خير
يمكن راح يكون شي اجيد من اللي صار
ويمكن بنظرتنا نشوفه شر بس اهوا بالواقع خير
مهما فكرنا ومهما تحسفنا ومهما ندمنا .. لا الايام بترد لنا اللي كنا معاهم ولا الزمن بيعطنا اللي كنا نبيه :)))
واللي صار صار والمفروض انتعلم منه
ونقط الاشيا اللي تكدرنا ورا ظهورنا وإن كان ولا بد من تذكر بعض هالمواقف او الايام نحاول إن ماتأثر علينا لفترة طويلة لأن اللي بيتعب بالاول والاخير قلوبنا :(
رد فيني الزمن لي ورا
يبيله تفكير شي صعب بصراحه سؤال من متى متجهزه حقه بس مانى قادره
لو رد فيني الزمن
اخلي امي وابوي راضيين عنى وماكنت اضايق امى كلش وكنت بهتم بديني اكثر ومااضيع وقتى على اشياء مومفيده
تدرين حبيبتي فراوله
يعجبني اسلوبج وكلامج
وياريت تكونين صديقه لي
مساء الورد لااحلى فراولة
الله يافرفر لو رجع الزمان عشر سنين ورا
جان تمنيت يوقف العمر عند هالفترة واظل صغيرة طول عمري ولااكبر ولااشوف اللي شفتة
ولااشيل همومي وهموم غيري...
ولا فقدت ابوي...
اشياء وايد ضاعت بلمحة البصر ياليت ترجع
ومشكورة عالبوست ذكرتينا بمامضى
حلو ان نعيش الحياة مثل ما اهي
بحلوها ومرها واهم شي القناعة والرضا
الحياة مغامرة وعلينا نتحداها ونقنع بلعبتها
تحياتي لكي
صباح الفراولة :)ا
حبوبة لو مع انها تفتح عمل الشيطان!!ا
بس برد عليج يالغالية .. لو يرجع الوقت فيني جان تصبرت اكثر على ظرفي وكملت هاللي بقالي من دراستي .. لكن اقول لعله خير ..وقدر الله وماشاء فعل
حافظج الله حبوبة
نور الدنيا ودي اقولج اللي بيني وبينج كان احلام كان غرام ماودي انسى
شوقي لج..روحي لج.. كلي لج.. وشلون ابنسى؟؟
يامساء الخير
يامساء الحب والعذوبه
يامساء الأحساس والرقه
انا لو يرد فيني العمر عشر سنين والله يا فراوله مثل ماقلتي ما افرط بناس كانوا بين ايديني بس حب الدنيا واللعب خلاني اضيع عن دربهم
للعلم ان الناس اللي انا ابيهم للحين موجودين بس مو مثل اول
اللي انا ابيها اهي زميلتي بالدراسه من اولى متوسط ليما ثالثه ثانوي واهي معاي لدرجة انها تقولي والله يالامبراطوره اني اقول لأمي كل بداية سنه تكفين ادعي اننا نكون في صف واحد من كثر حبنا لبعض..
بس انا اللي خربت على نفسي وتعرفت على بنات الله يسامحهم..
والبنت هذه للحين موجوده وبينا اتصالات بس اتمنى اللي صار قبل مايصير وتظل علاقتنا مثل قبل واحسن..
لو ارد عشر سنين ورى جان صلحت اخطاء ناس كنت اتغاضا عنها على بو انها حريه شخصيه وبكيفهم بس الصحيح انهم كانوا يدمرون نفسهم واهم مايدرون..
او ارد جان شديت حيلي بالجامعه وعرفت الماجرشت اللي صارلي اربع سنين بالجامعه اسأل شنو الماجرشيت :)
وخلصت الجامعه وتوظفت بسرعه مو توني الحين اتوظف ..
لو ارد عشر سنين جان ضاعفت ختمي للقرآن الكريم اللي توني صراحه انتبه لختمه :(
لو ارد عشر سنين وانا بعقليتي هذه صرت اسعد انسانه بالكون :)
لو ارد عشر سنين جان دورتج انتي وين وكونت معاج صداقه هالسنه يصيرلها عشر سنين واحنا نعرف بعض ^_^
موضوع حلو اله يعطيج العافيه عليه يالغاليه ^_*
يا ربي على هالسؤال ..!!؟
الواحد شنو يعد وشنو يخلي
:(
بس الاكيد اني راح اقضي وقت اكثر مع ناس
رحلو من هالدنيا،ناس تعاملت معاهم وانا متصور
ان الاجل بعيد،راحو وتركو وراهم ذكريات،ومواقف
مستحيل تنسي،الله يرحمنا وياهم برحمته
ما ادري من وين ابدي
بس لو يرد الزمن فيني لوره وبتجارب 10 سنوات, نظرتي للأمور راح اتكون أكثر واقعيه وراح اتكون اشمل واعمق
راح اطالع اي موضوع من عدة زوايه بطريقه اشمل
واكيد راح استفيد من خبره هالعشر سنين في حياتي.
الانسان كل يوم في عمره يستفيد خبره
فهو عباره عن تراكم خبرات وتجارب
اما لو احد اقولي انه ما راح اغير شي فقوله: معناته انه ما استفاد من هالعشر السنين إلي مرت فيه.
وقتها بيصير عمري 12 سنه تتوقعين كان ممكن اغير شي
ما اعتقد
الا اني للحين اخاف ارجع للماضي لسنوات الانطوائيه الي للحين احاول ابتعد عنها وما اخليها تبين في ملامحي خصوصا انها تمرني كل فتره وتقعد على قلبي بس الحمدلله مو مثل قبل احس نفسي الحين وايد اجتماعيه يعني في تطور
ادري ردي مو شي بس هذي الصراحه
:))
تحياتي لفراوله الي تخلي الحياه نور يشع مثل شعاع النور الي بقلبها
بكل صراحه جان ما اخذت قرض
:(
والشي الثاني الكل عارفه تقريبا
او انتي عارفته على الاقل
yebt e3yaly wara ba3ath
مساالورد والجوري
what will be, will be
صدقتي الاشياء اللي صارت بالماضي وايد حلوة بحزتها...وتري انا مثلج بالضبط فرطت
بناس مع الاسف اللحين حسيت بقدرهم
دمت بود
وترا موتقليد
كل شي حلالج
غاليتي
:)
مساالورد والجوري
mamloo7a q8ia
اول شي اشكر زيارتج الاولي بمدونتي المتواضعة
تراها زادتني شرف
وثانيا:اتمني اللحين انج اللحين تتجنبيب تلك الاغلاط اللي سويتيها
وهذا الاحسن
دمت برضا
ابدا
:)
مساالخير والكرامة
مطقوق
وانا اتفق معك صحيح كل شي قدره الله لنا ...اكيد فيه كل خير لنا
دمت بود
:)
العزيزة رتاج
حبوبة شاكره مرورج الاول بمدونتي
وزيارتج زادتني شرف
وبالنسبة للاغلاط الكثيرة احنا ودنا انها ماتتكرر
بس الدراسة وايد شي مهم واتوقع انج مازلت صغيرونه والمستقبل جدامج لين اللحين
تري في وقت وايد
بس انتي قولي
يالله وبتشوفين
وصداقتج اتشرف فيها كثير
دمت بحب
:)
مساالسعاده
لاحلي عيون حب بالدنيا
غاليتي
الحمدلله انج ماندمتي علي اشياء سويتيها
بس انج متحسفة علي كثير اشيا طافت عليج ومقدرتي تعيشينها
دمت بود
:)
هلا وغلا بالغالين
اللي غلاهم داخل العين
غاليتي
relaaax
والله كلامج مابعده كلام
كلشي صار لنا كان مكتوب ..بس احنا كبشر نملك حق التذكر والتمني
وهذا كل شي
دمت بحب
:)
مساالشيما..للغالية شيما
حبوبه
مافي شي طافج تري كل شي جدامج وماما وبابا
الله يخليهم لج موجودين والله يطول بعمارهم آمين
وتقدرين انج تعوضينهم عن اي شي فات
وبالنسبه للدين فهذا شي هم بيدج
ودامنج معترفه بهالشي اكيد الضمير لين اللحين حي
دمت بود
:)
مساالورد لعلوية الغالية
حبيبتي
انا وايد متاسفة اني ذكرتج بفق الغالي الوالد
بس تري كلنا فقدنا ناس غالين علي قلوبنا لان هذا حال الدنيا لقا وفراق
بس الله يرحمهم ويرحمنا برحمته معاهم
قولي
آمين
دمت بحب
:)
مرحبا بمجرد انثي
صدقتي غاليتي
القناعة كنز لايفني
دمت بحب
:)
مساج ورد وجوري
لا والله كل ورود الدنيا ماتكفي غلاتج
ام بخنق زري
دائما جميل ان يكون كل مافات ومضي علينا يؤثر علينا بالايجاب وليس بالسلب
ولاكن عندما نتذكر اشياء طافت فبهذا نكنون قد انعشنا هذا القلب وجعلناها ينبض بزمان جميل ويحيا بحياة اجمل
دمت بحب
:)
مساالغلا..مساالحلا..مساالشوق
للغالين واللي غيابهم يكدر القلب والعين
غاليتي
الامبراطورة
دائما عندما اقرا تعليقك اشتاق ان ارجع واقرؤه اكثر من مره لما فيه من معاني كثيره تؤثر بالقلب وتسر الخاطر وتجعل الدنيا بالف خير
حبيبتي
وانا كلامج خلاني اشتاق لاني اتعرف عليج وياريت كنا ملتقين مع بعض
من زمان وغلاتج ماكنت افرط فيج حتي ولو لحظه وحده..لان في ناس الواحد يتمني وجودهم بحياته ويتضايق لعدم وجودهم
دمت لي بحب ابدا
غاليت الامبراطوره
:)
هلا بالاخ العزيز
سليمان
صحيح اننا فقدنا اشخاص كثيرون رحلوا عنا بلمح البصر وخلفوا وراهم جروح لم تندمل حتي الآن
ولاكن هذه سنة الحياة
وهذا مصيرنا جميعا...وقدرالله وماشاء فعل
الله يرحمنا برحمته معاهم
اجمعين
دمت بود
:)
عزيزتي
lady godiva
نورتيني باطلالتج الاولي بمدونتي
صدقتي غاليتي كل من يقول انني لا اريد تغير شي من الزمان الذي مضي فانه بغراة نفسه يملك شي لا يريد البوح فيه
فجميعنا راضون عن ما جري وكان ولا كننا نتحسف علي اشياء فقدناها وما كنا نعرف قدرها الا اللحين
دمت بتفاؤل
ابدا
:)
مساج احلي من حلا بالدنيا
يااخيتي الصغيرونة
يااحلي مجنونه
حبوبتي الصغيرة
ليش تقولين ردج انه اي شي...لا ياقلبي ردج كل شي عندي انا علي الاقل
وكل شي صغير بنظرج تري وراه اشياء واعمق بجوهره وهذا الاهم
غاليتي ردوركم وتواصلكم هي من يجعل الدنيا بخير ..وتجعل القلب ينبض بالحياة
اكثر واكثر واكثر
دمت بحب وغلا
يااحلي مجنونه بقلبي
:)
هلا وغلا ياخوي العزيز
الجريح
ليش هالغيبة..ترانا فقدناك ياخوي وياريت تطمنا عليك حتي لومن فترة للثانية
اخير الغالي دائما تذكر النظر للوراء اذا ماكان يفيدنا بتحسين كل ماهو سيء قد فعلناه ..فانه سيسبب لنا الكثير من الالم والحزن والاسي
وهذا ما لا نريده
نريد فقط ان نتعلم من اخطائنا لنرسم مستقبلنا بالاحلي والاجمل
دمت بود
ولاكن دون الانقطاع عنا لانك غالي علينا
:)
مساالشوووووووووق
الحمدلله علي السلامة
ياريما الغالية
الاهم انهم اللحين حواليج والله يخليهم لج وتكبرينهم وتفرحين فيهم وهذا الاهم
دمت بحب
ابدا
:)
لووول ما انط السلم الي بسببه انكسرت ريلي :P
Post a Comment
<< Home